Ngiling Bidai !

30 June 2012
Tr. Entili, Rayah Ili, Julau

NEMU KITA??

Pengawa Ngiling Bidai enggau Ngiling Tikai dua macham pengawa nutup hari besai gawai dayak ke enda sebaka. Pengawa Ngiling Tikai mayuh dikena kelebih agi ba gawai mit baka kitai ti baru udah abis ngintu Hari Gawai Dayak, laban ba gawai mit baka tu kitai enda ngerembaika bidai laban kenu ku jaku nadai tuju kitai nganchau bidai ba ruai..

Nya alai Ngiling Tikai nutup gawai mit baka Gawai Dayak mayuh ngena tikai ke digaga ari tikai rutan, tikai bemban enggau mayuh ma­cham tikai bukai.

Bidai tu digaga ari tikai rutan dianyam beselat lambar enggau kulit tekalung/ribis/temeran. Temeran tu dibelah nyadi lambar bidai ke dianyam beselat enggau rutan dalam gaya anyam tunggal (kulit tekalung tu diulih ari pun kayu ke ngena nama ke sebaka, iya nya Kayu Tekalung).

Bisi orang nyebut nya Idas lalu bisi mega orang nyebut nya tikai Sana. Nemu??

Kemaya hari tu laban kitai bansa Dayak nyau pandai agi ngaga reti jaku ke mai mayuh reti.. Nyadi ti dikumbai kitai mayuh reti nya sebaka, tang ke bendar iya Nigiling Bidai enggau Ngiling Tikai mai reti ke enda sebaka.œEnti nuan bisi bidai, ke digiling nuan, lalu iya sigi amat bidai ke digiling. Lalu maya pansut ba surat berita lagi dipandang sigi amai bidai nadai salah kitai nyebut Ngil­ing Bidai. Tang enti baka ke mayuh udah dikeluar ba surat berita madahka pengawa Ngiling Bidai, tang ba gambar peda aku gambar tikai Bemban ke digiling. Nyadi nya ku aku enda betul. Iya ke bansa nya, nyarut ke adat, nyarut ke main asal kitai empu.

Ke temu tudah aku, iya ke Bidai nya dulu kelia dikumbai orang alai engkah padi lebuh udah ngetau, en­dur orang nugung ke padi.

Lebuh orang begawai be­sai, orang semina ngeremÂbaika bidai enti sema gawai besai baka Gawai Kenyalang, Gawai Kelingkang, Gawai Batu ti alai orang mesti nirika pandung.

Pandung tu baka altera ke ditimang orang. Kebuah iya enda tau enda ngena bidai laban lambar bidai nya kasar bisi endur nanchang empat iti tali kena nyadika rangka endur orang ngaga pandung. Nya alai rebak diatu enda tau enda ngena atur baka nya. Enti ngena tikai enggai nyadi ngaga rangka nya. Iya mega begunaka rutan empat iti ke digaga orang segi empat kurang lebih dua kaki square, lalu iya ditanchang ngagai lambar bidai, lalu tanchang ngagai sadau tauka ngagai pemanggai ba atas din.Udah nya tadi, iya lalu dibungkur ngena lantai pelanka. Lantai pelangka nya endur orang ngaga pand­ung. Ari luar lantai pelanka nya baru orang ngurung nya ngena pua kumbu....

p/s : nya mh tadi jalai tauka genturung orang ngereja pengawa ngiling bidai. Ngarap ke adat tu enda dibuai ngapa enda dilengka bala nembiak rebak diatu.. 

 

 Dtk. Joseph Salang.

                                                            Tikai benung digiling.

                                                  Nutup pengawa. Tr. Entili enggau Datuk Jo.

 

THANKS FOR READING ! :)

Lots of love,

Ambai Kenyalang <3